ကိုရိုနာဗိုင်းရပ်စ်ကာကွယ်ဆေးထိုးခြင်းကို အခမဲ့ ခံယူနိုင်ပါတယ်။
ဖမ်းဆီးထိန်းသိမ်းမှုမှ ယာယီကင်းလွတ်ခွင့်ပြုချက် (ခါလီဟိုးမဲန်း) ရှိသူစတဲ့ နေထိုင်သူစာရင်း (ဂျူးမင်းဟျော) မရှိတဲ့ နိုင်ငံခြားသားတွေလည်း ဆေးထိုးမှု ခံယူနိုင်ပါတယ်။
❶ ဒေသန္တရ အုပ်ချုပ်ရေးအဖွဲ့ကနေ “ 「ဆက်ရှုကဲန် (ကူပွန်ကဲန်)」(ဆေးထိုးရန်လက်မှတ် (ကူပွန်စာရွက်))” နဲ့ “ ကိုရိုနာဗိုင်းရပ်စ် အမျိုးအစားသစ် ကာကွယ်ဆေးထိုးရန် အသိပေးစာ” ရောက်လာပါမယ်
ဆေးထိုးရန်လက်မှတ် လက်ခံရရှိတဲ့ ကာလဟာ မြို့ရွာအလိုက်၊ အသက်အရွယ်အလိုက် ကွဲပြားပါတယ်။
နေထိုင်သူစာရင်း မရှိတဲ့ နိုင်ငံခြားသားအနေနဲ့ မိမိရဲ့လိပ်စာကို အတည်ပြုနိုင်တဲ့အရာကို ပြပြီး နေထိုင်ရာ မြို့ရွာအုပ်ချုပ်ရေးရုံးမှာ တိုင်ပင်ဆွေးနွေးပါ။
ဆေးထိုးရန်လက်မှတ် နမူနာ (ကိုဘေးမြို့ပုံစံ။ ဒေသန္တရ အုပ်ချုပ်ရေးအဖွဲ့အလိုက် ဒီဇိုင်းပုံစံ ကွဲပြားပါတယ်။ )
❷ ပထမအကြိမ် ဆေးထိုးမှု ခံယူဖို့ ကြိုတင်စာရင်းပေးပါ
ကာကွယ်ဆေးကို ၂ ကြိမ် ထိုးရပါမယ်။ အရင်ဆုံး ပထမအကြိမ်အတွက် ကြိုတင်စာရင်းပေးပါမယ်။
・ဒေသန္တရ အုပ်ချုပ်ရေးအဖွဲ့က ဖွင့်ထားတဲ့ နေရာမှာ ဆေးထိုးမယ်ဆိုရင် –
ဒေသန္တရ အုပ်ချုပ်ရေးအဖွဲ့ရဲ့ ကြိုတင်စာရင်းပေးတဲ့ အင်တာနက်စာမျက်နှာကနေ ကြိုတင်စာရင်းပေးပါ။ ဒါမှမဟုတ် ဒေသန္တရ အုပ်ချုပ်ရေးအဖွဲ့ရဲ့ တယ်လီဖုန်းစင်တာကို ဆက်သွယ် စာရင်းပေးပါ။
ဆေးထိုးရန်အသိပေးစာမှာ ကြိုတင်စာရင်းပေးတဲ့ အင်တာနက်စာမျက်နှာ လိပ်စာ URL ၊ QR code နဲ့ တယ်လီဖုန်း စင်တာ ဖုန်းနံပါတ်တွေ ရေးထားပါတယ်။
・ဆေးကုသရေးဌာန အသီးသီး (အမြဲပြနေကျ ဆေးရုံစသဖြင့်) တွေမှာ ဆေးထိုးမယ်ဆိုရင် –
ဒေသန္တရ အုပ်ချုပ်ရေးအဖွဲ့အလိုက် ကြိုတင်စာရင်းပေးနည်း မတူတဲ့အတွက် အသိပေးစာနဲ့ အုပ်ချုပ်ရေးအဖွဲ့ရဲ့ အင်တာနက်စာမျက်နှာတွေကို ကြည့်ရှုပါ။
ဆေးကုသရေးဌာနတွေကို (အင်တာနက်၊ ဒါမှမဟုတ် တယ်လီဖုန်းနဲ့) တိုက်ရိုက်ကြိုတင်စာရင်းပေးနည်းနဲ့
ဒေသန္တရ အုပ်ချုပ်ရေးအဖွဲ့ရဲ့ ကြိုတင်စာရင်းပေးနည်းတွေ ရှိပါတယ်။
ကာကွယ်ဆေးထိုးနိုင်တဲ့ ဆေးကုသရေးဌာနတွေကို အောက်ပါ အင်တာနက်စာမျက်နှာတွေမှာ ရှာဖွေနိုင်ပါတယ်။
ဂျပန်ဘာသာစကား-https://v-sys.mhlw.go.jp/search/
အင်္ဂလိပ်ဘာသာစကား-https://v-sys.mhlw.go.jp/en/search/
ဒါ့အပြင် လုပ်ငန်းခွင်နဲ့ တက်ရောက်နေတဲ့ တက္ကသိုလ်တွေမှာလည်း ကာကွယ်ဆေးထိုးမှု ခံယူနိုင်ဖွယ်ရှိပါတယ်။
※ ၁ နေရာထက်ပိုပြီး ကြိုတင်စာရင်းမပေးဖို့ သတိပြုပါ။
※ ကြိုတင်စာရင်းပေးနည်းနဲ့ လုပ်ဆောင်ပုံအဆင့်တွေ နောက်ပိုင်းမှာ ပြောင်းလဲမှုရှိလာနိုင်ပါတယ်။
❸ ပထမအကြိမ် ကာကွယ်ဆေးထိုးမှု ခံယူပါ
ယူဆောင်သွားရမယ့်အရာများ- ဆေးထိုးရန်လက်မှတ်၊ ကာယကံရှင်ဖြစ်ကြောင်း အတည်ပြုနိုင်တဲ့ စာရွက်စာတမ်း (ဇိုင်းလျူးကာ့ဒို (နေထိုင်သူ ကတ်ပြား)၊ နိုင်ငံကူးလက်မှတ်၊ မိုင်နမ်ဘာ ကာ့ဒို (မိုင်နမ်ဘာ ကတ်ပြား) စသဖြင့်)
ကျန်းမာရေးဆိုင်ရာ ကြိုတင်မေးမြန်းချက်ဇယား (ဆေးထိုးရန်လက်မှတ်နဲ့ တစ်ပါတည်း ရောက်လာမှာဖြစ်လို့ ရေးဖြည့်ထားပါ။ နမူနာယူနိုင်ဖို့ ဘာသာစကားပေါင်းစုံပုံစံတွေကို အောက်ပါ အင်တာနက်စာမျက်နှာမှာ လေ့လာပါ။)
https://www.mhlw.go.jp/stf/seisakunitsuite/bunya/vaccine_tagengo.html
❹ ဒုတိယအကြိမ် ကာကွယ်ဆေးထိုးဖို့ ကြိုတင် စာရင်းပေးပါ
❺ ဒုတိယအကြိမ် ကာကွယ်ဆေးထိုးမှု ခံယူပါ
ကာကွယ်ဆေးထိုးပြီးတဲ့အခါ အဲဒီနေရာမှာ ၁၅ မိနစ်ကနေ မိနစ် ၃၀ စောင့်နေပါ။
ကာကွယ်ဆေးထိုးပြီးနောက် နေထိုင်မကောင်းဖြစ်တတ်ပါတယ်။
ဝေဒနာ ပြင်းထန်တဲ့အခါ၊ ရက်အတန်ကြာတဲ့အထိ ပြန်မကောင်းတဲ့အခါတွေမှာ ဆေးကုသရေးဌာနနဲ့ တိုင်ပင်ဆွေးနွေးပါ။
ကာကွယ်ဆေးထိုးပြီးရင်လည်း ပါးစပ်နဲ့နှာခေါင်းစည်း (မာ့စ်ခ်) တပ်တာလို ကူးစက်မှု တားဆီးရေးဆောင်ရွက်ချက်တွေကို ဆက်ပြီးလုပ်ဆောင်ပါ။
ကာကွယ်ဆေးနဲ့ ပတ်သက်တဲ့ အခြေခံအကြောင်းအရာတွေနဲ့ ပတ်သက်ပြီး-
ကျန်းမာရေးနဲ့ အလုပ်သမားရေးရာဝန်ကြီးဌာန ကိုရိုနာဗိုင်းရပ်စ် အမျိုးအစားသစ် ကာကွယ်ဆေး တယ်လီဖုန်းစင်တာ
0120-761770（အခမဲ့၊ စနေတနင်္ဂနွေ အများပြည်သူအားလပ်ရက်များလည်း လက်ခံ)
ဂျပန်၊ အင်္ဂလိပ်၊ တရုတ်၊ ကိုရီးယား၊ ပေါ်တူဂီ၊ စပိန် ဘာသာစကားများ- 9:00-21:00
ထိုင်း ဘာသာစကား- 9:00-18:00
ဗီယက်နမ် ဘာသာစကား- 10:00~19:00
※အစပိုင်းမှာ ဂျပန်ဘာသာစကားနဲ့ ပြောရပါမယ်။ “ ဆူးယာ့ကု-အို ရှီတဲ့-ဟိုရှီအိ (စကားပြန်လုပ်ပေးဖို့ လိုချင်တယ်)” လို့ ပြောပါ။
ကြိုတင်စာရင်းပေးမှုနဲ့ ပတ်သက်ပြီး- နေထိုင်တဲ့ မြို့ရွာ အုပ်ချုပ်ရေးရုံးမှာ တိုင်ပင်ဆွေးနွေးပါ။
[မှီငြမ်း ကိုးကား]
「ワクチン 接種までの流れ 接種予約は」（NHK 新型コロナウイルス特設サイト）
https://www3.nhk.or.jp/news/special/coronavirus/vaccine/flow/
「コロナワクチンナビ」（厚生労働省）
https://v-sys.mhlw.go.jp/
「外国人住民向けにコロナワクチン情報発信。多言語コールセンターや17言語でのお知らせも」
（Buzz Feed）
https://www.buzzfeed.com/jp/sumirekotomita/covid-vaccine-1
「接種券見本」（神戸市）
https://www.city.kobe.lg.jp/documents/42676/t-1.pdf