အလုပ်ထွက်တဲ့သူတွေ၊အလုပ်လက်မဲ့ဖြစ်သွားတဲ့သူတွေဟာ နောက်အလုပ်အကိုင်သစ်ရနိုင်တဲ့ကာလအထိ
“အလုပ်လက်မဲ့ထောက်ပံ့ကြေး” ကို လက်ခံရရှိနိုင်ပါတယ်။
အလုပ်လက်မဲ့ဖြစ်မသွားခင်က ရယူခဲ့တဲ့လခရဲ့ ၅၀ ရာခိုင်နှုန်းကနေ ၈၀ ရာခိုင်နှုန်းဖြစ်တဲ့ငွေကြေးကိုရယူနိင်ပါတယ်။
①ချက်ချင်းအလုပ်လုပ်ချင်လို့အလုပ်ရှာဖွေနေသူများ။
②ကုမ္ပဏီကနေ အလုပ်ထွက်ဖို့အပြောခံခဲ့ရလို့အလုပ်ထွက်ခဲ့တဲ့အအခါဆိုရင် :
အလုပ်ထွက်တဲ့အထိ တစ်နှစ်တာအတွင်း ၆ လကျော် အလုပ်လက်မဲ့အာမခံ (ခေါ့ယိုဟို့ကင်) ယူထားသူများ။
ကိုယ့်သဘောနဲ့ အလုပ်ထွက်တဲ့အခါဆိုရင်：
အလုပ်ထွက်တဲ့အထိ နှစ်နှစ်တာအတွင်း ၁၂လကျော် အလုပ်လက်မဲ့အာမခံယူထားသူများ။
အလုပ်လက်မဲ့အာမခံမဝင်ခဲ့တဲ့သူတွေ၊ ပုဂ္ဂလိကရပ်တည်ချက်နဲ့အလုပ်လုပ်တဲ့သူတွေကတော့
အလုပ်လက်မဲ့ထောာက်ပံ့ကြေးကိုလက်ခံခွင့်မရှိပါဘူး။
သင်ကအလုပ်လုပ်ခဲ့တဲ့ကုမ္ပဏီကနေ “အလုပ်လက်မဲ့အာမခံအာမခံသူအလုပ်ထွက်ခြင်းထောက်ခံစာ” (ခေါ့ယိုဟို့ကင်ဟိဟို့ကင်ရှာ့လိရှို့ကုဟိယို) ကိုလက်ခံယူရပါတယ်။
↓
မိမိနေထိုင်တဲ့ရပ်ကွက်မှာရှိတဲ့ ဟလိုဝါ့ခု (အများပြည်သူအလုပ်အကိုင်လုံခြုံရေးရုံး) မှာ
“ထောက်ပံ့ကြေးရဖို့အရည်အချင်းဆုံးဖြတ်ချက်” နဲ့ “အလုပ်ရှာဖွေသူတွေအတွက်စာရင်းသွင်းခြင်း” နဲ့ ပတ်သက်တဲ့ လျှောက်လွှာတင်ရပါတယ်။
・ဂျပန်မှာနေထိုင်ခွင့်ကတ် (ဇိုင်းလျူး ကားဒို)※
・ပုဂ္ဂလိကနံပါတ် ပါဝင်တဲ့စာတမ်း (ဥပမာ ကိုယ့်နံပါတ်မှတ်ပုံတင်ကတ်: my number card)
・တံဆိပ်တုံး
・ကိုယ့်အမည်နဲ့ မှတ်ပုံတင်ထားတဲ့ငွေစုစာအုပ်၊ ဒါမှမဟုတ် ဘဏ်ငွေထုတ်ကတ်:cash card
・မျက်နှာဓာတ်ပုံ နှစ်စောင် (အလျား ၃ စင်တီမီတာ၊ အနံ ၂.၅ စင်တီမီတာ)※ဂျပန်နိုင်ငံသား ခံယူခဲ့သူဖြစ်ပြီး ကိုယ့်နံပါတ်မှတ်ပုံတင်ကတ် မပါဘူးဆိုရင်
ကိုယ့်အကြောင်းကိုသက်သေပြနိုင်တဲ့စာတမ်းတွေလိုအပ်ပါတယ်။
ဒါနဲ့ပတ်သက်ပြီး ဟလိုဝါ့ခု (အများပြည်သူအလုပ်အကိုင်လုံခြုံရေးရုံး) မှာ စုံစမ်းမေးမြန်းရပါတယ်။
ကုမ္ပဏီကနေ အလုပ်ထွက်ဖို့အပြောခံခဲ့ရလို့အလုပ်ထွက်တဲ့အခါဆိုရင်：
လျှောက်လွှာတင်ကတည်းက ၇ ရက်တာကာလ
ကိုယ့်သဘောနဲ့အလုပ်ထွက်တဲ့အခါဆိုရင်：
လျှောက်လွှာတင်ကတည်းက ၇ ရက်＋ ၃ လ (※１)
→ ၇က်တာကာလပဲ စောင့်ရပါတယ်။
①အတူနေထိုင်တဲ့မိသားစုဝင်တွေ ကိုရိုနာဗိုင်းရပ်စ် ကူးစက်ခံခဲ့ရလို့ ပြုစုစောင့်ရှောက်ဖို့လိုအပ်လာတဲ့အတွက် အလုပ်ထွက်ရပါတယ်။
②ကိုယ်က အလုပ်လုပ်နေတဲ့နေရာမှာ ကိုရိုနာဗိုင်းရပ်စ် ကူးစက်ခံရသူ ပေါ်လာလို့ ကူးစက်ခံ့မှုကာကွယ်ဖို့အတွက် အလုပ်ထွက်ရပါတယ်။
③ကိုယ်အပါအဝင် အတူနေတဲ့မိသားစုဝင်တွေထဲမှာ ရောဂါအခံရှိသူ/ကိုယ်ဝန်ဆောင်/သက်ကြီးရွယ်အို ရှိတဲ့အတွက် သူတို့ ကူးစက်မှုမခံစေချင်လို့ အလုပ်ထွက်ရပါတယ်။
④ကိုရိုနာဗိုင်းရပ်စ်ရောဂါဂယက်ရိုက်ခတ်မှုကြောင့် ကိုယ့်သားသမီးတွေ ကျွေးမွေးပြုစုဖို့ လိုအပ်လာတဲ့အတွက် အလုပ်ထွက်ရပါတယ်။
အမှတ်စဥ် ① ကနေ ④ ထဲမှာ အကျုံးဝင်တဲ့သူတွေဆိုရင် အလုပ်လက်မဲ့ထောက်ပံ့ကြေးအတွက် လျှောက်လွှာတင်ပြီးနောက် ၇ ရက်ကျော် စောင့်နေရတဲ့သူဟာ မိမိနေထိုင်တဲ့ရပ်ကွက်မှာရှိတဲ့ ဟလိုဝါ့ခု (အများပြည်သူအလုပ်အကိုင်လုံခြုံရေးရုံး) မှာတိုင်ပင်ဆွေးနွေးရပါတယ်။
အလုပ်ထွက်ခဲ့တဲ့နေ့ရဲ့ နောက်နေ့ကနေ တနှစ်တာကာလအတွင်း (※２) ရက်နေ့အတိုင်းအတာတခု ရရှိနိုင်ပါတယ်။
ရရှိနိုင်တဲ့နေ့ရက်အရေအတွက်ဟာ ဂျပန်မှာဘယ်လောက်ကြာကြာအလုပ်လုပ်ခဲ့တဲ့အပေါ် မူတည်ပြီးပြောင်းလဲပါတယ်။
・ကိုရိုနာဗိုင်းရပ်စ်ကူးစက်ခံရမှုကာကွယ်ဖို့အတွက်ဟလိုဝါ့ခု (အများပြည်သူအလုပ်အကိုင်လုံခြုံရေးရုံး) ကိုမသွားတဲ့အခါ။
・ကိုရိုနာဗိုင်းရပ်စ်ကူးစက်ခံနေရတာနဲ့တူတဲ့လက္ခဏာရှိတဲ့အခါ။
・ကိုရိုနာဗိုင်းရပ်စ်ရောဂါဂယက်ရိုက်မှုကြောင့် ကိုယ့်သားသမီးတို့ကို ကျွေးမွေးပြုစုဖို့လိုအပ်လာတဲ့အခါ။
ဟလိုဝါ့ခု (အများပြည်သူအလုပ်အကိုင်လုံခြုံရေးရုံး)
စကားပြန်ရှိတဲ့ ဟလိုဝါ့ခုရဲ့ နေရာ (၂၀၂၀နှစ် မေလ)
https://www.mhlw.go.jp/content/000592865.pdf
＜အလုပ်လက်မဲ့အာမခံအာမခံသူအလုပ်ထွက်ခြင်းထောက်ခံစာ1＞
＜အလုပ်လက်မဲ့အာမခံအာမခံသူအလုပ်ထွက်ခြင်းထောက်ခံစာ 2＞
ကုမ္ပဏီကနေ “အလုပ်လက်မဲ့အာမခံအာမခံသူအလုပ်ထွက်ခြင်းထောက်ခံစာ” ကို လက်မခံထားသေးဘူးဆိုရင် ကုမ္ပဏီကိုမေးမြန်းလိုက်ပါ။
အလုပ်လက်မဲ့အာမခံအာမခံသူအလုပ်ထွက်ခြင်းထောက်ခံစာ ကို လက်ခံရရှိရင် “အလုပ်ထွက်တဲ့အကြောာင်းရင်း” နဲ့ပတ်သက်ပြီး သင့်လျော်စွာ အမှတ်ထည့်ရပါမယ်။
သင်က “အလုပ်ထွက်ပါမယ်” လို့ ပြောတဲ့အခါဆိုရင် ဒါ “ကိုယ့်အဆင်ပြေမှု” ဖြစ်ပါတယ်။
ကုမ္ပဏီက သင်ကို “အလုပ်ထွက်ပေးစေချင်တယ်” လို့ ပြောတဲ့အခါဆိုရင် ဒါ “ကုမ္ပဏီ့အဆင်ပြေမှု” ဖြစ်ပါတယ်။
တကယ်တမ်းကျတော့ “ကုမ္ပဏီ့အဆင်ပြေမှု” ဖြစ်ရက်သားနဲ့ ကုမ္ပဏီက “ကိုယ့်အဆင်ပြေမှု” ဖြစ်တယ်လို့ ပြောတာရှိပါတယ်။
“ကုမ္ပဏီ့အဆင်ပြေမှုဖြစ်တယ်ဆိုရင် အလုပ်အသစ်ကို ရှာလို့မရဘူး” စသဖြင့် လိမ်ပြောတာရှိပါတယ်။ သတိပြုဖို့လိုအပ်ပါတယ်။
※ကိုရိုနာဗိုင်းရပ်စ်ဂယက်ရိုက်ခတ်မှုကြောင့် အလုပ်ထွက်ခဲ့ရတယ်ဆိုရင် အဲဒီအကြောင်းအရာကို ကုမ္ပဏီက ရေးသားပေးဖို့ တောင်းဆိုရပါတယ်။
＜ကိုးကားချက်＞ (ဂျပန်ဘာသာ)
ဟလိုဝါ့ခု
https://www.hellowork.mhlw.go.jp/insurance/insurance_basicbenefit.html
https://www.hellowork.mhlw.go.jp/insurance/insurance_procedure.html
ဟလိုဝါ့ခုအသုံးပြုဖို့လမ်းညွှန်ချက်
http://hellowork.kilo.jp/risyokusyoumeisyo.html
ကျန်းမာရေးဝန်ကြီးဌာန
https://www.mhlw.go.jp/stf/seisakunitsuite/bunya/koyou_roudou/koyou/koyouhoken/index_00003.html
※ “သို့အလုပ်ထွက်ရတဲ့သူတွေ” PDFမှာအင်္ဂလိပ်လိုဘာသာပြန်ထားတာရှိပါတယ်
https://www.mhlw.go.jp/file/06-Seisakujouhou-11600000-Shokugyouanteikyoku/0000198944.pdf
ကိုရိုနာဗိုင်းရပ်စ်ရောဂါအတွက်အထူးဆောင်ရွက်ချက် (ကျန်းမာရေးဝန်ကြီးဌာန)
https://www.mhlw.go.jp/content/11600000/000628804.pdf
https://jsite.mhlw.go.jp/chiba-roudoukyoku/content/contents/000642457.pdf
withnews၊ Yahoo!သတင်း (NPOအဖွဲ့POSSEရဲ့တာဝန်ရှိသူရေးသားတဲ့ဆောင်းပါးတွေ)
https://withnews.jp/article/f0200410007qq000000000000000W0ej11101qq000020871A
https://withnews.jp/article/f0200606003qq000000000000000G00111101qq000021162A
https://news.yahoo.co.jp/byline/konnoharuki/20200413-00173041/